17103459_1376393045768348_2129960072315877235_n
Feminist Elizaabeth Angsioco,  chairman nya na Democratic Socialist Women of the Philippines (DSWP)

10 March 2017 – Buhi, Camarines Sur

Magiging resource speaker ading tanyag na women’s rights advocate ag feminist na si Elizabeth Angsioco sa gigibohon na Women’s Forum sa Marso 24 parte sana nya na National Women’s Month celebration sa banwaan na Buhi.

Si Angsioco amo ana chairman nya na Democratic Socialist Women of the Philippines (DSWP) na usad na pederasyon na nagi compuesto nin 157 na samahang kababaihan sa enterong nasyon na agko mahiwas, komprehensibo, ag patas na sistemang makakatabang sa pag-asenso nin mga kababaihan, ag mga programang magitogonon sa mga babaying biktima nin violencia.

Apwera pa nyadi, pinagitindog man nyading pederasyon ana impormasyon ag edukasyon mapadapit sa seksuwal ag reproduktibong salud ag pag iba nin mga kababaihan sa politika.

Ana temang totkoran ni Angsioco amo na “We Make change Work for Women” na kin sari aatendiran man nya na mga opisyales ag miembros nya na Buhi Local Council of Women, Inc. kaiba ana mga babaying politico na sira Mayor Margie Aguinillo, Konsehales Salvacion Salamanque, Myrna Imperial ag Catherine Martinez.

Advertisements