IMG_20170528_005647_517
Si Bokal Manny Noble, kaiba ana mga bagong opisyales nya na KJS. Buhi Social Hall (5/27/17)

May 29, 2017 – Buhi, Camarines Sur

Sa pinagibong ika-60 taong anibersaryo nya na Katzenjammers Clan o KJS kaso sabado, naelihir si Bokal Manny Noble bilang bagong Presidente nyading owoy nang organisasyon sa banwaan.

Ana KJS, aramigohan nin mga pastidyong soro soltiritoy na namukna kaso 1957  na kin sari nadakowan na nira para gibohon nang usad na formal na organisasyon ana sakandang tropa na kin sari pa naging famuso boko sana sa banwaan magin sa pag-arabayan na banwaan ag kabikolan nin huli sa annual souvenir KJS magazine ag de kalibreng pabayle.

Nagka agko man kontrobersya ading nasambit nang organisasyon kaso magkabaranga ana mga miembros nyadi nin huli sa endi pagka irintindihan nin duwang founding fathers nyadi na kin sari naging famuso man ana pag conducer nin duwang magkasuway na pabayle kada Mayo 27.

Apwera ki bokal Noble, mwadi pa ana mga naeliher na opisyales: Vice President (Metro Manila) – Henry Albuerne; Vice-President (Buhi) – Konsehal Ting Villadares; Secretary – Dr. Hassan Sergio; Treasurer – Danilo Siguenza; Auditor – Felix Mercurio; Sgt. At arms – Romy Oafallas, Benrey Brusas ag PRO – Erwin Villadares.

Sinabi ni Bokal Noble na sakanyang liderato, laom niya na mapakusog dayaday ading organisasyon ag magkaorosad nin huli ta parte na adi nyana istorya nya na Buhi orog na nyana kapistahan sa banwaan.

Advertisements