19554241_1489839607743874_5979307861247738496_n
Clean-up drive at  Sinarapan Santuary in Lake Manapao, San Ramon, Buhi, Camarines Sur

29 June 2017 – Buhi, Camarines Sur –

Nangenotan ana National Power Corporation (NAPOCOR) sa paglimpya sa paagi nin pagwatwat nin mga water lilies ag iba pang rigsang sa sinarapan sanctuary sa barangay San Ramon kasudma bilang pagtogon sa celebrasyon nya na National Environment Month ngowan na bulan na hunyo.

Si Engr. Reuel Declaro R. Declaro, hepe nya na NAPOCOR watershed management team nagpaabot nin pag apreciar ag pagpasalamat sa pagresponde ag participasyon nya na LGU-Buhi, NCIP, Buhi Organization of Mountain Bikers (BOMB), Banwaang Mauyay, Inc., Tau Gamma Phi Fraternity, PNP Buhi ag iba pang mga organisayon.

Ading Lake Manapao deklarado bilang sinarapan sanctuary sa balor nya na Ordinance no. 3 series of 1981 na kin sari ipinagipangalad didi ana pagsarap nyading pinakasaday na isra enterong kinaban para sa commercial purposes.

Mientras tanto, susog man sa Proclamation no. 573 ag Executive Order n. 224 ana banwaan na Buhi proklamado bilang usad na watershed area ag agko kasogoan na ana NAPOCOR watershed management team among magmanehar, mag control nya na mga aktibidad sa Buhi na sakop nya na watershed para mapreserbar ag masusteniran ana suplay nin tubig para sa enerhiya ag elektrisidad.

Advertisements