kapuso_foundation_logo_final

21 Hulyo 2017 – Buhi, Camarines Sur –

Gigibohon ngowan na aldaw sa barangay Iraya ana MOA signing ag groundbreaking ceremonies niya na proyektong Iraya steel hanging bridge sa oras na alas 10 sa pagkapaita.

Mwadi ana nagoro na informasyon nia na buhay boinon news team sa oficina nin alklade muninicipal na kin sari pa pinagilaoman na mag arabot ana mga VIP alin sa GMA Kapuso foundation sa pamamayo ni External Vice President Rikki Escudero.

Sa nasambit nang programa, pinagilaoman man ana pag atendir ni Mayor Margarita M. Aguinillo, DepEd CamSur superintendent Arnulfo Balane, AFP Solcom Lt. Gen. Ferdinand Duidilla ag DPWH engineer Danilo Versola.

Maroromroman, na enterong pinagisakit ana mga nagibalyo sa existidong mga kable ag peligroso sa mga eskwela ana nasambit nang dispalinhadong tulay na nasiripan nya na GMA Kapuso kaso nagbariwas adi nin relief sa Iraya kaso Enero 2017.

Nin huli nyadi iningwa nyading matinabang na foundation na mag enterbener nan in huli ta delikado na talaga adi sa mga kapuso sa nasambit nang barangay sa balyong lawod.

Mientras tanto, apwera sa LGU-Buhi, magitowangon man sa proyekto ana Department of Public Works & Highways (DPWH), Philippine Army 51st Engineer Brigade ag Iraya Elementary School sa paagi nin trabajador, equipaje ag teknikal na ayud ag iba pang abelableng facilidad.

 

Advertisements