20232144_1609549532397580_3780306929868700935_o

25 July 2017 – Buhi, Camarines Sur –

Poponan na ngowan na semana ana pag construer nia na GMA kapuso hanging bridge sa barangay Iraya matapos na magpirirmahan na nin MOA ag nag groundbreaking na kaso nakaaging biernes ana GMA kapuso foundation, ana local na gobierno nin Buhi ag iba pang ahensya nin gobierno.

Sa entrevista nia na buhay boinon bareta news team ki OIC-Municipal Engineer Judy V. Litam, sinabi niadi na nagpadara na sira nin sample nia na baybay ag grabitang gagamiton sa poste adto sa metro manila para sa magkakanigong testing nia na kalidad niadi na among pinagi-ogod nia na GMA Kapuso.

Sosog sa pinirmahan na kontrata, ana counterpart nia na local na gobierno amo ana baybay, graba ag mga teknikal na asistensya, magitawon man nin semento ana Republic cement, ana Armed Forces of the Philippines, magitawon man nin seguridad ag magheras man sa labor ana Deped ag barangay council, sabi pa ni Litam.

Maroromroman, na enterong pinagisakit ana mga nagibalyo sa existidong mga kable ag peligroso sa mga eskwela ana nasambit nang dispalinhadong tulay na nasiripan nya na GMA Kapuso kaso nagbariwas adi nin relief sa Iraya kaso Enero 2017.

Nin huli nyadi iningwa nyading matinabang na foundation na mag enterbener nan in huli ta delikado na talaga adi sa mga kapuso sa nasambit nang barangay sa balyong lawod.

Mientras tanto, apwera sa LGU-Buhi, magitowangon man sa proyekto ana Department of Public Works & Highways (DPWH), Philippine Army 51st Engineer Brigade ag Iraya Elementary School sa paagi nin trabajador, equipaje ag teknikal na ayud ag iba pang abelableng facilidad.

 

 

Advertisements