IMG_20170725_155318
General Assembly of the Buhi Municipal Employees Union (BUMEU) @ SB Session Hall, Buhi, Camarines Sur (25 July 2017).  

 

27 July 2017 – Buhi, Camarines Sur –

Ratifikado na nin 71 miembros nia na Buhi Municipal Employees Union (BUMEU) sa local na gobierno nin Buhi ana sakandang constitution sa ginibong general assembly kaso nakaaging martes na ginibo sa Sangguniang Bayan (SB) sessiona hall.

Sinabi ni BUMEU president ag Sangguniang Bayan Secretary Nora L. Hortal na makusog na ana sakandang union nin huli sa pagratifikar nia na sakandang ley na amog susunodon sa sakandang mga aktibidad bilang organisasyon nin mga empleyado nin gobierno, sa lindong nia na local na gobierno nin Buhi.

Ading nasambit nang organisasyon, ipaparehistro sa Department of Labor and Employment (DOLE) na kin sari pa ana DOLE na ana mag endorsar niadi sa Civil Service Commission (CSC),  para sa magkakanigong akreditasyon ag rekognisyon, sabi pa ni Hortal.

Apwera sa pagratifikar nia na BUMEU constitution, napag desisyonan man nia na mga empleyadong presente,  ana pag sowot nin office uniform na magiponon sirang mag-usar sa oktubre 1 niading presenteng taon 2017, dagdag pa ni Hortal.

 

Ana BUMEU ag ana unyonismo sa gobierno pinagitogotan nin ley ag mga reglamentos nia na Civil Service Commission tanganing matawan nin boses ana mga diretsos nin lambang empleyado ag kolektibong kamawotan o inagrangay,  sa paagi nia na pibano nirang Collective Negotiating Agreement (CAN) na kin sa mga pribadong kompanya man ana bano niadi amo ana Collective Bargaining Agreement (CBA).

Ana ultimong naorganizar na union sa local na gobierno nin Buhi durante pa sa admnistrasyon niadtong defuntong Mayor Jose Y. Meceda ag ngowan sana adi nabuhay nin huli sa initiatibo ni Mrs. Nora Hortal, personnel officer Aida D. Oaferina ag ni konsehal Ting Villadares bilang chairman nia na SB Committee on Good Government, public ethics and accountability, siempre man sa basbas ni alaklde Margarita Aguinillo.

 

 

Advertisements