20423922_1482424481813762_381985823559315366_o

31 July 2017 – Buhi, Camarines Sur –

Nakarecibe nin award si Mr. Cyrus Obsuna bilang outstanding entrepreneur sa ginibong Halyao Awards 2017 kaso sabadong gabi na ginibo sa Avenue Convention Center sa ciudad nin Naga.

Sa informasyon na nagoro nia na buhay boinon news team sa representante ni Obsuna na si Mr. Alfredo Perdon sa nasabi nang awarding, sinabi niadi na unicong awadee si Mr. Obsuna sa provincia  nin Camarines Sur kaiba ana iba pa sa rehiyon bicol.

Ana Halyao award na pinag organisar nya na Metro Naga Chamber of Commerce and Industry (MNCCI) usad na prestiyosong award para tawan nin honra ag rekognisyon ana mga bikolanong negosyante sa rehiyong bikol katakod nya na Bicol Business Month na pinagicelebrar taon taon kada bulan na Hulyo, sabi pa ni Perdon.

Si Obsuna na pinag nominar ni Cabatuan barangay Alona A. Fabul, pinag rekognisar nya na awards committee sa pamamayo ni Dr. Marillisa Jimenez Ampuan nin huli sa par establisar niya nya na Lake Buhi Resort ag sa pag promote nya na “Cacao Industry “ bilang alternatibong source of livelihood nya na mga boinon ag nya na mga bikolano, dagdag pa ni Perdon.

Mientras tanto, apwera sa mga negosyo ni Obsuna sa Buhi, bistado man iya sa provincia nin Cebu nin huli sa mga negosyo nyadi sa real estate, exports ag hotels ag sa pagtabang niya sa mga uda sukat sa buhay sa paagi nin pagpa eskwela ag iba pang asistencia.

Adto man sa nasabing aarding ceremony si Naga City Vice Mayor Nelson Legacion na usad man na boinon ag si Congressman Gabby Bordado.

 

Advertisements