comelec

10 August 2017 – Buhi, Camarines Sur –

Dagos-dagos man dayaday ana preparasyon nya na Commission on Elections Regional Office 5 para sa Sangguniang Kabataan ag Barangay elections sa ibong nya na pag-uyon nin mga kongresista sa ‘all member caucus’ na i-oktaba adi ag ipadagos na sana sa Mayo 2018.

Sa usad na intrevista nin Radyo sa Legazpi ki Comelec 5 Regional Dir. Atty. Ma. Juana Valeza, nanindogan adi na susundon man dayaday ana mga nakasurat sa calendar of activities nya na komisyon hasta uda pa ipipaluwas na bagong resolusyon ana Kongreso.

Uda man suboot na magiging direktang epekto en kaso madagos man o endi ana pirilian huli ta kinakaipuhan sanang isaray ana mga printed files mientras na pwedesir na magka-agko dayaday nin rehistrasyon para sa supplemental list nya na voters.

Sa balyong lado, aminado man adi na pwedesir na mag-overlap ana 2018 elections sa preparasyon para sa pirilian man sa 2019.

Nasa proseso na nin pag-imprenta nin listahan nya na mga botante ana komisyon kin sari nakatalaang ipaluwas ana kompletong listahan sa ultimong semana nya na Agosto.

Advertisements