IMG_20170811_132626_028

11 August 2017 – Buhi, Camarines Sur – sinurat ni : Lads Labordo

Pagoosipan ngowan na aldaw ana reklamong ipinaabot ni konsehal Ting Villadares ki Mayor Margarita M. Aguinillo manonongod sa ukay-ukay stall sa pagoltanan nya na Buhi Millenium Center ag municipal hall.

Kaso lunes, sa regular na session nya na Sangguniang Bayan, ipitulak na kintana ni Villadares ana usad na resolucion na nagi deklarar sa nasabi nang ukay-ukay bilang “nuisance” alagad nag swestyon si konsehal Christian Echipare na i-refer nawna adi sa Committee on Public Works, market ag legal matters na kin sari si public works chairman Rickie San Jose among lead committee na kin sari pa nag uyon man si Villadares.

Sa nasabi nang hearing, imbitado ana representante ni Aguinillo, market supervisor Heddy Pinoy, municipal treasurer Nilda Salvo, fire marshall Reynaldo Sumalabe, OIC-municipal engineer Judy Litam ag OIC-MPDC Tony Tayag.

Mientrastanto, Sa surat na ipinadara ni Villadares ki Aguinillo kaso Hulyo 19 na narecibe sa sunod na aldaw na nagi paliwanag sa rason nya na reklamo, nagsimbag naman si Aguinillo kaso Agosto 9.

 

Advertisements