IMG_20170729_091826

12 August 2017 – Buhi, Camarines Sur – isinurat ni : Lads Labordo

Ipinaabot ni konsehal Ting Villadares sa Sangguniang Bayan (SB) ana reparo nya na mga namamanwaan sa mga project billboard nya na DPWH na uda nakabutang na kantidad o contract  cost.

Sa entrevista niya na buhay boinon ki konsehal Ting Villadares, sinabi nyadi na agko ipinaluwas na department order no. 21 ana DPWH kaso pebrero 22, 2017 na nagimando sa mga district office na sunoron ana giya sa pag instalar nin project billboard sa mga proyekto nin gobierno para sa informasyon nya na publiko.

“Kin marereparo ta, agko mga proyekto ana DPWH didi sa Buhi na agko ngani naka instalar na billboard alagad uda entrada ana contract cost nyadi. Arog na baga nyana concreting of san isidro-san vicente road ag ana concreting of monte calvario – igbac brgy. road ana nagkakapera sana didi, sabi pa ni Villadares.

Mientras tanto, ipinag-refer na ni Bise Alkalde Rey P. Lacoste ading katuyawan ni Villadares sa committee on infrastructure and public works sa pamamayo ni konsehal Rickie San Jose bilang chairman para sa magkakanigong aksyon.

 

Advertisements