IMG_20170812_135049

14 August 2017 – Buhi, Camarines Sur –

Nagtao nin inspirasyon si konsehal Ting Villadares sa paagi nin mensahe sa mga hubeng opisyales niya na Supreme Student Government (SPG) nya na Buhi North Central School (BNCS) kaso sabadong hapon.

Sa nagorong informasyon nya na buhay boinon news team ki Villadares, sinabi nyadi na ana nasambit nang mensahe in koneksyon nya na 2 aldaw na leadership training workshop nya na mga lideres nin SPG kaiba ana mga opisyal man na sa homeroom.

Huwag nyo pong sayangin ang pagkakataong ito. Huwag kayong antukin, huwag munang mag-txt, mag tablet, ag mag chika-chika. Makinig sa lahat ng resource speakers, sundin ang alituntunin, magsakripisyo muna ng dalawang araw, at isapuso ang bawat natutunan.Napakapalad ninyo at ang inyong mga mentors ay nag initiate ng ganitong aktibidad. Hindi yata lahat ng public schools ay may katulad nitong pa seminar, segon pa sa mensahe ni Villadares.

 Apwera ki Villadares, nagtao man nin mensahe si SPG adviser Christopherson Valenciano, District SPG coordinator Ma. Grace Pellas, GPTA President Cecile Sorne, BNCS Principal Marites Y. Abagat ag si Monte Clavario Principal Dan Obiasca na pinagrepresentar si public school district supervisor Dr. Minnie Talaguit.

 Sabi man ni Christopherson Valenciano na live-in ana nasambit nang seminar kaya agko darang mga bado ag totorogan ana mga kaaginan na kin sari pa nagka agko pa sira SPG night kaso sabadong gabi.

 Mawot nya na pa seminar na matawan nin magakaknigong kabatiran ana mga agin mapadapit sa leadership tanganing agko sira magibowan durante nya na sakandang trenyo ag mababalon nira adi sa pagtalobo nira bilang mga lider, dagdag pa ni Valenciano. 

 

Advertisements