IMG_20170812_211935_848

14 August 2017 – Buhi, Camarines Sur –

Mawot nyading bagong curra paruco reverendo padre Edgar F. Adversario ana regular na public forum sa banwaan na kin sari ipinahayag niya adi kaso nakaaging sabado, sa aldaw nya na sakanyang solemn installation sa simbahan ni san Francisco de asis sa banwaan na Buhi na pinangenotan ni arsobispo Rolando J. Tria-Tirona nya na archdiocese of caceres.

Sa mensahe na ipinahayag nya na bagong curra paruco sa parokya ni san francisco de asis, sinabi nyadi na usad sa mga kamawotan niya na magka-agko nin regular na public forum na kin sari imbwelto ana mga opisyal,  mga negosyante ag mga professionals sa banwaan na Buhi.

Mientras tanto, naging memorable yu ginibong instalasyon ni Adversario na apwera ki arsobispo Tirona adto man ana 18 kapadian alin sa manlaen-laen na parokya nan atod man sakanya.

Adto man sa nasabing okasyon ana mga pulitiko na  sira congressman Sal Fortuno, Mayor Margarita Aguinillo, Vice Mayor Rey Lacoste, konsehal Don Sibangan ag konsehal Ting Villadares.

Mauayay man yu karantahan ag turugtugan nin huli sa akompanemento nya na pinag usad na mga parakanta sa simbahan ag mga paratogtog na gikan sa familyang Ailes.

Ana solemne ag mauyay na okasyon, pinag organizer nya na parish pastoral council sa pamamayo ni Presidente Sonia Noble.

 

Advertisements